黑熊盒

小王子由細到大都有一個本領，我係比佢吹到我脹嘅。係咩？
就係只要小王子願意～佢係可以一心二用嘅。咩叫做"只要佢願意～佢係可以一心二用"？就係如果小王子5願意嘅話～
當佢一揸住本書嚟睇，佢係可以連火燭、淋樓兼地震都完全Feel5到嘅。

相反只要小王子願意～
佢係可以一路睇書，一路做一d普通地球人睇緊書而又做5到嘅o野嘅。

o係小王子好細個o個時，每次我揸車都會放講故事嘅CD比佢聽嘅。面小王子由細到大都有個習慣，就係一上車就會揸住本書嚟刨，有幾次我見佢o係度刨緊書，米諗住關左個講故事CD law，點知我一關小王子就即刻話﹣﹣"做咩呀媽媽？我聽緊gar喎～"我﹣﹣"你睇書ar ma～"小王子﹣﹣"但係我都係聽緊ga！"我﹣﹣"你又5係睇緊講緊故事o個本書，點聽到呀？"小王子﹣﹣"我聽到gar～"我﹣﹣"你聽到？咁頭先o岩o岩講到邊度？"小王子﹣﹣"頭先o岩o岩講到點點點.....law！"
我心諗﹣﹣＞"咿？係喎！咁則係頭先係聽緊，5係睇緊書la～"我﹣﹣"咁5好睇書o勒～"小王子﹣﹣"但係我又睇緊書ga 喎～"我﹣﹣"咁本書講邊度？"小王子﹣﹣"講到邊邊邊......law！"
心諗﹣﹣＞"耍我呀？"
我即時攞起本書嚟睇.....咿？真係講到呢度喎！
最後點？有乜點啫？佢都攪到我無得駁lor，米開返張CD比佢繼續一路睇書一路聽故事law！其實呢件事N咁耐之前我已經講過，點解今日又會舊事重提呢？因為N咁多年之後嘅今日，小王子靠住呢個絕技，o係聚寶盤度又會攪出d咩呢？
以前小王子o係"最高貴學府"度讀書，5理上堂定落堂，必定係攞住本書刨過你死我活ga o勒～而"最高貴學府"嘅老師已經見怪不怪，最多到真係頂小王子5順（例如默默下書無nana攞本書出嚟刨）先至會出聲叫小王子收埋本書ga啫。

不過而家升呢做左中學Duck就5同o勒～而家o係"聚寶盤"度讀書，無好似o係"最高貴學府"咁咁Friendly ga na，樣樣都要執到正ga。小王子o係"聚寶盤"度日刨夜刨，比d同學話佢係米有"C.R.D."。咩係"C.R.D."？
﹣﹣＞Continue Reading Disorder（不能停止閱讀後群症）
有日我見到小王子落堂o個陣又揸住本書，咁則係佢攞住本書去上堂la～咁則係5洗上堂la～
有晚我同小王子講，我問佢....我﹣﹣"喂！你係米帶埋本story book去上堂呀？"小王子﹣﹣"無ar～"我﹣﹣"重話無？o個日我明明見到落堂攞住本story book嘅，咁則係攞住去上堂la～"小王子﹣﹣"我而家無ga na！"我﹣﹣"你上堂o個時睇書，咁點聽書呀？咁老師教d o野你點會學得識呀？"小王子﹣﹣"我識gar～"我﹣﹣"人地教o野你睇書，咁點識呀？"小王子﹣﹣"媽媽！我得gar～我睇緊書都聽到佢教咩gar！不過我而家5會再攞書去上堂ga na～"
點解我會信小王子真係一路上堂睇書，又真係一路都聽到書呢？因為小王子o係"聚寶盤"成績都好好，o岩o岩上個禮拜，小王子數學測驗攞左全級最高分(24/25) 。小王子就更係開心la～不過佢老友阿韓國仔"Super Junior"就無咁好彩，因為佢攞10/25，重低過總平均分，小王子話"Super Junior"同佢講﹣﹣＞
                                    "我影衰哂成個東亞文族呀～"

今個星期四係"聚寶盤"嘅家長日，小王子話好多小朋友好驚。咁我問小王子你又驚5驚呢？小王子話﹣﹣"erm.....5驚呀～驚咩呀？"我﹣﹣"點解5驚呢？你5驚老師會同媽媽講你曳呀？"小王子﹣﹣"erm.....最多佢地會話我時時睇書law！"其實我知道小王子話5會再帶story book去上堂，係因為佢比老師話得多～雖然"聚寶盤"d老師見小王子成績咁好～係有d吹佢5脹，所以應該無鬧小王子嘅，最多係叫佢收埋本書ga啫。之但係小王子5想比d老師覺得自己5聽話，所以就決定以後都5再上堂刨書o勒！

黑熊盒

                                                    MAR 21,2012