，我係小王子媽媽
！我
同小王子
and小王子爸爸
一直都住o係澳洲嘅，小王子今年o岩o岩滿12歲，剛升中一。本來我地一家住o係澳洲嘅首都Canberra，不過因為小王子o係Sydney考到6年中學嘅音樂獎學金，所以兩個月前我就同小王子兩個搬左嚟Sydney度住
，而小王子爸爸就要一個人留o係Canberra度做o野，淨係Weekend至可以返嚟
見我地ga咋！其實我寫左Blog已經有三年幾
，5知你地有無睇過我嘅Blog呢？如果無5緊要
～因為我受到Love Kids Magazine嘅邀請，由今日開始我會o係Love Kids magazine度開我第三個Blog，只要你打開Love Kids Magazine就會見到我同小王子gar o勒。講起我家小王子，其實佢係一條軟皮蛇，打又5驚、鬧又5怕，重時時攪出好多笑話
。好似小王子過去就讀嘅"最高貴學府"小學，更加係"騎呢"之地，o係"最高貴學府"裡面充滿珍禽異獸，佢地非富則貴，佢地嘅父母個個舉足輕重，個個都以為自己高人一等。究竟遮民小王子誤闖上流層會有咩攪笑事發生呢？"最高貴學府"裡面嘅燒烤叉
、見仔Chris
、潺仔強
、雞泡魚
、蛇仔明.......重有小王子好多好多嘅同學仔，佢地個個o係小王子天地都有卓号，個個都超爆笑。有好多Blog友呢三年幾以嚟當連續劇咁嚟追
，佢地個個都見証住小王子嘅成長
。如果你地錯過左小王子嘅過去，5緊要～因為o係呢個Blog度，我除左會講而家o係小王子同我身邊所發生嘅事之外，有d有趣嘅舊文我會重寫
，等你地一樣可以參與小王子嘅過去。
琴日小王子跟左學校去做垃圾佬！吓？小王子係米周圍扔垃圾？更係5係la～周圍扔垃圾o個d係垃圾虫，周圍去掃街o個d至叫做垃圾佬呀
！做咩鬼小王子無nana走去掃街
？唉～有頭髮邊個想做癩痢至得gar？之5係小王子間新學校規定每個小朋友都要做"社區服務"law
。唉～又要規定一人一個禮拜要打3 Day波
～因為係獎學金入學，又要規定小王子要參加幾個樂團
～功課多都不特止，家下連Weekend重要去掃埋街
！！！小王子嘅學校生活係幾咁充實至得gar？嚴格嚟講小王子琴日5
係去掃街，應該係叫去担泥至o岩。因為小王子琴日係去森林溪邊度執垃圾，佢返嚟o個陣，我重以為佢係瞞住我去玩泥漿摔角嚟～小王子成身都係泥不特止，佢對新鞋更加係壯烈犧性埋
！！！唉～我鬼知原來佢係去担泥gar咩？如果我一早知道係咁嘅環境，我發誓o係小王子出門口o個陣，我係一定會死命攬住對新鞋5比佢著gar law
！！！小王子話佢一去到就不停有幾十條水蛭搏命咁想爬入佢對鞋度tim bor～幾鬼死恐怖至得gar！之不過琴日小王子去做完"社會服務"，返到屋企就輪到我為"社會服務"服務o勒
～點解？嘩！小王子污"Jo"到好似成個人跌左入個泥氹度咁喎，返到嚟我幚佢洗左d衫、褲、鞋、襪幾耐至得gar
？o拿！Mr. 校長先生，老老實實o勒～
我做o個幾個鐘計5計埋落去小王子o個十個鐘度gar先？其實學校規定7年級每人每年要做十個鐘"社會服務"
，5一定係要去担泥嘅～學校派埋張紙過d家長，講到明咩係"社會服務"，咩5算係"社會服務"。
小王子話幚爸爸媽媽洗車5算係"社會服務"，之但係幚人地個爸爸媽媽洗車呢～咁就係"社會服務"o勒！
小王子話幚爸爸媽媽剪草5算係"社會服務"，但係幚人地個爸爸媽媽剪草呢～就係叫做"社會服務"o勒！真係即時比佢吹到脹
！好明顯Mr. 校長教佢地做人要有公益心，但係5
記得教埋佢地要孝順父母喎！而家d細路都經已係十指不沾陽春水gar ma，真係拾醒眼瞓都5見佢地做家務gar。家下重要規定要佢地做 BUT 5準同自己屋企做喎～
Mr.校長先生！究竟你有無諗過我嘅感受gar呢？
MAR 5,2012
機械人三文治盒
沒有留言:
張貼留言