o係Sydney嘅Blog友請留意～
今個星期五（23／11）我又o係Church度開cooking class，今次教"聖誕小食之小小聖誕樹"。如果你都想嚟跟我學煮o野食呢就留個言，我比個地址你。
時間：23／11 早上10：00am
費用：材料費
有件事令我好谷氣！
o拿～講呢單o野之前一定要講埋前因嘅，而前因就係咁嘅.......
重記5記得年頭小王子o岩o岩升呢做中學duck o個陣，o係第一個term尾有個家長日呢？
你地又記5記得小王子因為係書蟲，所以自小學開次就慣左一路上堂一路刨書？重誇到連默緊書都無nana攞本書出嚟刨。咁小王子一嬲成績都好好，所以o個時o係"最高貴學府"度d老師由得佢刨，好少會鬧佢上堂刨書。
之但係嚟到"聚寶盤"就5同話法o勒～雖然有d科目嘅老師見小王子做哂佢要做嘅o野，就由得小王子刨，但係有d老師就絕對話No！No！No！
咁小王子初初升到中學5知原來讀中學同讀小學係5同，於是開學頭o個幾個week佢都照樣上堂都"書不離手"。過左幾個禮拜之後我發現小王子次次落親堂都揸住本書，我知道佢一定又係上堂刨書，所以我即時同佢講以後5可以再攞住本書去上堂。而小王子之後亦都真係無再咁做o勒～
OK～
到左第一個term尾家長日，我同小王子爸爸去"聚寶盤"度見老師，講到成績小王子一定係無問題嘅，但係個個老師都話小王子初初o個幾個week有上堂睇書嘅習慣，但係之後就已經再無o勒～
我好開心因為小王子真係有聽到我講嘅說話。
又過左一個term，o係第二個term已o個陣"聚寶盤"派發頭半年嘅成績表，每科嘅老師都會寫評語。每科小王子都好高分，評語亦好好。唯獨係History，呢科係個阿伯教嘅，個阿伯只係比小王子7字頭嘅分數不特止，重o係個評語上面只講一件事﹣﹣＞
就係小王子上堂睇書。
o個時我見到個成續表真係好嬲，因小王子只係頭o個幾個禮拜有上堂睇書，之後過左成個半term，十幾個禮拜小王子都已經改左呢個習慣，點解要o係個評語上面淨係寫呢樣o野呢？
做老師5係應該比機會d學生，教好佢地gar咩？點解淨係叉住佢地做錯嘅地方？而做得好o個d就當係佢地應份gar？
o個時我一睇到份成績表就同小王子講﹣﹣＞
"你呢個老師好記仇，你以後要小心d，因為佢淨係會睇到你地d5好嘅o野，所以以後就算你做得好好佢都未必會比高分你，但係如果你做得5好咩？佢就一定會比你好低分。"
之後有日小王子同我講，原來媽媽講d野真係真嘅，因為佢有個同學只係試過一次上History堂遲到，但係個阿伯o係個評語欄度就只係講佢上堂遲到一樣o野。
所以呢年我時時刻刻都提住小王子上History堂要好小心，千奇5好比個阿伯有o野捉到痛腳。
好o勒～前題講完o勒～而家到我講我好好好谷氣嘅o野o勒！
小王子o岩o岩考完"聚寶盤"嘅年尾嘅大考，每科成績都有9字頭，而且好多科5係全級第一就係頭o個幾個。我一直都諗會5會小王子有機會考全級第一呢？但係......
上個禮拜尾小王子上History堂派考試成績o個陣，小王子竟然得68.5分！！！！！
呢度考History，全部都係靠寫文嘅～則係話無一個等定嘅答案，換句話嚟講係你鍾意比高分又得，比低分又得。
全級中一有8班，得小王子一班係呢個阿伯教。小王子話個阿會派卷o個陣同其他人講，因為你無寫呢樣所以我扣你分、因為你無寫o個樣所以我扣你分。小王子話個阿伯講左人地無寫o個十樣佢都有寫，但係到小王子呢，佢又話因為小王子無寫第十一樣，所以我要扣你分。
喂！呢樣o野係無得咬gar喎～
不過佢無nana比個咁低嘅份小王子，就分分鐘令小王子嘅名次由頭一、二即時跌到幾十。所以我真係興過火C！
如果出年又係呢個阿伯教小王子History我就真係死得o勒～因為佢再整多一次咁比分，小王子就會個知道就算自己其他成績考得幾好都無用，因為只要一計埋History個分，考第一o個個就一定5係佢。
我真係5明呢d人點可以走去教書？5見得鍾意細路，又5見得對個科目充滿熱情。因為如果佢真係對個科目充滿熱情，佢一定會好想d學生都鍾意呢科，but佢而家做d咁嘅o野，好明顯係想佢地個個都怕左呢科，究竟佢係咩用心呀？
有時對住小王子我真係無語！
之前米講過話小王子呢個term開始玩劍擎嘅～上劍擎堂嘅第一日，我專登早d去接小王子，因為我想去睇下小王子究竟攪成點。
老實講～經過懶人hea網球同傻仔踢足球呢兩單o野之後，我都已經有哂心理準備，5會抱太大希望亦都5會太失望gar o勒。正所謂無期望就5會失望ar ma～
之但係........o係望到小王子練習劍擎嘅基本動作o個時......
SORRY！真係聽5住笑左出嚟～我都5想gar，但係大佬咁攪笑，點忍得到至得gar？
你地都知la～人地打劍擎個個舉起一隻手，對腳就ar下ar下好似隻蟹咁gar ma～但係5知點解我睇嚟睇去，都覺得小王子似o係度玩緊躲避球多過打劍咁gar呢？
o拿～o拿～o拿～你地千奇5好話﹣﹣＞
"aiya～人地o岩o岩第一堂學之ma！"
因為o個度人人都係第一堂學gar咋喎～因乜解究係得小王子一個打得咁攪笑gar呢？
我因為笑得實左太緊要得濟，無辦法繼續企向度觀賽，所以即刻上車打比小王子爸爸，嘩～真係笑到我肚都痛埋。
你地估下小王子爸爸同我講咩la na～
小王子爸爸話......
"咁你快d入以錄低佢比我睇la～hahahaha......"
於是我nana臨走返入去用個iPhone錄低小王子"打躲避劍"嘅情形o勒～影o個時我真係笑到手都震埋呀！
好一對變態父母呀～o拿～Blog友們今日你地好彩na，因為呢個video我會post o係度比你地睇，最右手面傻下傻下～人地行佢又5行，到人地5行佢又行o個個就係小王子o勒～
外号～外号～
小王子第一本短篇小說終於面世o勒～
小王子除左做o野奇慢得驚人之外，重有一樣o野係超驚人嘅，係咩？就係熟聖經o勒～小王子由兩三歲就開始學睇聖經，初初就更係睇d好淺，圖畫多過乜嘅BB聖經la～佢識多小小我就換過本深dd嘅比佢，再識睇本深dd gar咩～我又再再再換本又再深dddd嘅比佢睇。
老實講聖經d字好鬼深，小王子識咁多字，最初都係由睇得聖經開始，越睇越認得多生字。
5知你地有無聽過聖經故事呢？有無聽過一個有關旦以理被投入獅子坑嘅故事呀？
小王子呢本小說就係講旦以理o係獅子坑度，除左o係聖經理面記 個天使同佢講嘅說話之外，天使重好秘密咁同旦以理講，天父要比3000歲命佢，要旦以理o係現代(即係而家)搵三件信物去除魔，因為天父知道o係好多年後嘅今日，魔鬼會重現人間.............
呢個就係小王子呢本小說嘅大綱o勒～都幾好睇gar！hahaha........
P.S. 今日個"嘩！Box"相o係最下面～
而家d女仔真早熟，後生o個時日望夜望想生個女，而家諗返～好彩無生到女啫！
點解我咁講呢？
查實係咁嘅～
自從小王子升呢做左中學duck之後，多功課做就不在話下，兼夾份份功課都要用電腦做，查實再係咁d細路可能5再識點用手寫字gar o勒。因為小王子day day一返嚟就話要用電腦做功課，所以前一排小王子爸爸就買左部新電腦返嚟比小王子專用o勒～
o拿～就咁嘅，小王子爸爸幚小王子set up哂部電腦，兼且整到只要小王子一開部腦，部腦就會自動check email嘅。咁check嘅就更係小王子自己個email account la～前日小王子放學返嚟做功課，一開部腦就大叫........
小王子﹣﹣"wah hahahahahaha........."
小王子自言自語呢單o野神早就5係咩新聞，所以我同小王子爸爸當時都無太大嘅反應。之但係小王子又再大笑........
小王子﹣﹣"wah hahahahahaha........."
我﹣﹣"咩事呀你？"
小王子﹣﹣"wah hahahahahaha........."
我﹣﹣"做咩啫？"
小王子﹣﹣"媽媽！竟然有個女仔send email比我話﹣﹣＞我好愛你呀～你好靚仔呀～我愛你，希望你出年可以再嚟阿根廷la～我拉小提琴gar！"
我﹣﹣"5係哇？"
小王子﹣﹣"hahaha....係呀媽媽！"
我同小王子爸爸﹣﹣"wah hahahaha........"
...................
點解會無nana收到個咁嘅email呢？
有長追開小王子天地嘅Blog友記5記舊年小王子被邀請去阿根廷度開大提琴演奏會？大會重出埋機票連大人o個張都出埋，包埋食宿o個次呢～
重記5記得o個時我提過小王子o係大會宣傳冊同Website裡面張相靚到好似假人一樣呀？呀5係～5係假人，係膠人先至o岩！hahaha.....
所以當時小王子一到步，當地d女仔已經掙住要同小王子影相，有d女仔行埋一邊，細細聲咁話﹣﹣＞
"真係佢呀～真係佢呀～"
o個時我重同小王子講﹣﹣＞
"今次死o勒～人地發現你真人5對路，直頭係整容前後咁嘅樣呀！"
點知d女仔竟然走嚟同我講，問我佢地可5可以同小王子一齊影相喎！
我當堂O哂咀～
而呢個o岩o岩send左個email比小王子嘅妹妹仔，其實無見過小王子，佢係睇返大會個Website，見到小王子張膠人相所以即時"愛上"左小王子嘅。
最搞笑嘅係～
佢5單止send左個告白email比小王子，佢重即時登記左o係小王子自己個website度，重要用3同名登記左3次，兼夾小王子o係youtube嘅video佢全部刨哂，subscribe埋兼每個video都like哂。
小王子爸爸話﹣﹣
"嘩～咩佢咁積極？"
本來我諗住叫小王子回返個email比人嘅，多謝佢愛上自己。之但係我諗下～諗下～
阿妹妹仔咁積極，如果見到小王子回email，容乜易send張裸照過小王子gar，所以都係當睇5到就算o勒～睇嚟呢個妹妹仔真係愛死小王子，5知如果比佢知道小王子平時"著鞋5著襪 ，個人又好核凸"嘅話，佢會5會傷心到要自殺呢？
P.S.
o岩o岩post呢篇Blog o個陣，又有一個妹妹仔登記o係小王子個Website度，佢個username同email竟然係﹣﹣＞
"Ilovejared@...........au"
我真係O哂咀！
就咁嘅～雖然我成屋得小王子、小王子爸爸同我三個人，但係全屋嘅電腦就起碼有十部，咁其中三部係屬於本人嘅。
就係因為咁～好多時就算o係屋企，小王子爸爸都會無nana send email比我嘅，有時我會話小王子爸爸﹣﹣＞
"有無攪錯呀？你send email比我？你同我講米得law！真係比你吹脹呀！"
而小王子爸爸就一定會話﹣﹣＞
" hee hee～方便ar ma！"
"聚寶盤" 有大把就係人都知gar la～學校全電腦化，學校有自己嘅攝影同錄影部門，淨係專業攝影師都有幾個，就算係朝早點名～個個"聚寶盤"嘅老師都手揸部 iPad，點名結果嘅資料即時傳入學校總機。
學校家長日所有家長要見老師，"聚寶盤"自己有個尊做電腦程式嘅團隊幚"聚寶盤" 寫個programe，所有家長上網enter自己想見邊個老師同要咩時間，電腦就會自動幚你編個時間表，咩時間要見邊個老師一目了然，絕對5會同其他家長撞時間。
有日朝小王子爸爸至同我講原來之前小王子去Camp，"聚寶盤"招義工媽媽，一齊去Camp兼煮飯，若然媽媽去左幚拖，個仔嘅Camp費用就收知己價！
嘩～早知我都去la！橫掂o係個Camp site度"聚寶盤"有個長注嘅廚師晌度，去到幚手都係執頭執尾gar啫～重有知己價喎，簡直係除笨有精la！
小王子爸爸話﹣﹣"聚寶盤"神早就send左email比家長la～你無收到咩？"
我﹣﹣"嘩！學校day day send幾十個email嚟，我有d真係係咁二立一立gar咋！"
係喎～平均每日我都收到成百個email gar喎，而"聚寶盤"就day day都更係有d email send比我嘅，我邊度睇得咁多至得gar？咁day day咁多email嚟講，忙中更係會有錯la～例如間5中我都會收到d 5應該屬於我嘅email嘅，好似有日我無nana收到個由"聚寶盤"嘅email，內容大慨係話﹣﹣>
"學校揀左45個小朋友代表學校出去校際田硜比賽，而好幸運地你個仔就係其中一個o勒～"
嘩！嘩！嘩！齋睇到呢個email我已經覺得係神跡嚟la～我個小王子喎！代表學校出去比賽田徑？
咿～睇嚟"聚寶盤"想輸嘅意志都好堅決下喎！！！
之但係無幾耐我又收到另外一個電郵，就係話﹣﹣＞
"Sorry！之前個電郵send錯左，查實o個45人無你個仔份！"
Wah hahahahaha.........好彩我無期望啫～如果5係真係攪笑呀！
即刻我又收到小王子爸爸send比我嘅電郵......
小王子爸爸﹣﹣"係la～我o係度諗有咩理由一個o岩o岩至學識行嘅人可以代表學校去田徑比賽至得gar！"
我回﹣﹣"well～好似個仔咁一個o岩o岩至學識行嘅人嚟講，我肯定佢可以代表傷殘學校去比賽law！"
小王子爸爸﹣﹣"咁一定無可能係田徑比賽law～可能係鬥用擄掌行嘅 or 鬥浪費時間嘅奧運會law！"
我回﹣﹣" 咁o係浪費時間o個個項目，我肯定佢會攞到金牌law！wah hahahahaha.........."
