milo朱古力醬（無Nuts朱古力醬）

N咁耐之前我米提過寫左兩個e-book食譜嘅，呢～同芝士脆方包一齊寫gar呢，記5記得呀？o拿～今日出埋呢個"Milo朱古力醬食譜"o勒。o係小王子天地度post食譜，除左係因為我經已懶到出汁之外，賣e-book食譜又要攪Paypal同銀行入數，幾萬樣o野～老實講我情願慳番d時間嚟煲多套泰劇　　！hahahaha...........
直接Post食譜上Blog除左係懶之外，其實都重有兩個原因嘅～其一係小王子家下升呢做左中學duck，中一啫～但係5知點解佢好似重忙過人地d CEO？？o係"聚寶堂"度day day忙到連飯都無time食。咁你地話o勒～佢都無time食晏，我重整咁鬼多靚靚"嘩BOX"比佢做咩？不過小王子話佢重好鍾意食媽媽整o個d"嘩BOX"喎～所以都係要整，但係就5洗好似以前咁﹣﹣＞一個禮拜整足四日law！加上時時都有blog友留話問我呢d點整、o個d又點做。其實舊年我已經打算今年小王子天地會主打"嘩Box教室" ga na，遲遲未出都係因為一個字啫﹣﹣﹣＞
                                           懶～
aiya～你地米咁la！我一嬲都強調自己係懶到出汁ga la，所以有機咁出奇啫？
另一個原因係咩？erm......其實係呢個原因，令到我呢個懶到連氣都5想透嘅美少女"的"起心肝post食譜嘅～係咩？
就係前一排Yahoo Blog邀請我為佢地嘅"專欄Blogger"寫"人氣精選"，佢地想我o係小王子天地度出多d教人整"嘩Box"嘅blog。其實我都5知自己可5可以升任做"嘩Box老師"？不過可以試下～
                          一於大家齊齊做"嘩Box"！

今日教你整呢個"無nuts朱古力醬"，查實同之前我o係小王子天地度教過嘅o野一樣﹣﹣＞
                                   易到嘔！
Blog友們！重記5記得我地嘅口号？無錯！就係佢﹣﹣＞
                                 輸人5輸陣！
我地呢d新一代C9，又要煮飯、又要揍仔、又要做家務，重要上網、玩face book、twitter、煲劇......幾十萬樣o野做，真係少d精神都5掂ga ma！咁所以na喎～懶得嘅就更係要懶na ma，but又5可以比人發現其實係吞緊pop喎！o拿～呢個至係做C9嘅最 最 最 高景界呀姊妹們。
所以姊妹們，記住我地嘅口号﹣﹣＞輸人5輸陣！要易整、快做，但係個樣又要勁到嚇得死人咁濟！wah hahahahaha..........

嘩死！又講左咁多癈話tim？
o拿！就咁嘅～呢度有好多小朋友都對Nuts敏感嘅，Nuts呢樣o野真係5講得少，真係死得人gar！前兩年呢度有個13歲嘅細路，就係因為敏感花生，學校去Camp o個陣玩接力遊戲，其中一樣竟然係要食一匙花生醬。個細路明明知自己5食得花生醬，但係又死頂......一啖，佢真係食左一啖啫～就即時透5到氣，未送到醫院已經死左。老實講我真係覺得個細路5係好抵掙，因為佢成13歲na～咁大個應該好清楚自己嘅身體狀况，無理由怕瘀頂硬上。o係呢度差5多所有小學都係禁Nuts嘅～有d連中學都禁埋。Nuts呢樣o野真係好恐怖，敏感得西利o個d人，真係坐o係佢隔離o個個食～佢都會出疹。好似小王子幼自園有個同學仔係敏感Nuts嘅，佢媽咪同我講～有次佢o係個仔隔離mok花生食，咁mok花生o個時米會有小小好似煙咁嘅野走出嚟嘅～咁佢食左幾粒就聽見個仔話5舒服，佢望下個仔﹣﹣＞                                       嘩！成條頸都腫哂。所以話Nuts真係殺人於無形 　，年中5知隊淋左幾多件呀！
就係因為敏感nuts嘅人5洗自己食，連人地食佢都會仲毒，所以至會o係school度實行全城禁Nuts。小王子細個o個時，我連早餐都5敢比花生醬or Nutella佢食，怕佢食完之後返到school同d小朋友玩，會害到d敏感嘅小朋友。雖然小王子本身無對Nuts敏感，但係將心比心～如果係自己個仔對Nuts敏感，都5想人地害到自己個仔la。
呢度d細路見到花生醬重驚過見到鬼，小王子好細個o個陣，有次學校Lunch time嘅時候，有個小朋友嘅媽媽竟然比左份夾花生醬嘅三文治過個小朋友返學，到大家開始食o野o個時～佢一打開個lunch box，所有其他小朋友即時彈開，大後應到呢～然後全部人一齊指住o個個小朋友個餐盒大叫﹣﹣﹣＞"呀～～～～～～～"所以對好多人嚟講﹣﹣＞花生醬＝毒藥！
今次教你地整呢個"無Nuts朱古力醬"，以前我就係用嚟代替Nutella嚟整三文治，比小王子帶返學校度食ga o勒！