夾心朱古力波

親愛嘅Blog友們，又到左萬眾期待、車見車載、棺材見到都會打開蓋嘅﹣﹣＞
                                 "嘩Box教室"嘅時間o勒～
hahahaha.........
今次要教大家嘅o野亦都係簡單、易做、零失敗之餘又要睇落勁到嚇得死人。因為做到咁至為之"最高層次"。wah hahahahaha.........C9萬歲！C9萬歲！C9萬萬歲！
如果你打算開Party，一係你家小公主or小王子嘅學校又玩o野，要家長帶野返學校充數.....o拿～呢個"夾心朱古力波"就係你不異之選la！簡單、易做、連味都5洗調，會有幾難先？簡直就係另一個"零失敗"之作。若果有某百彈齋主話你整得5好食，你就答佢﹣﹣＞
              "係d朱古力味5好啫！5關我事，事關我都無調過味。"
最 最 最重要係佢整到出嚟個樣嚇得死人ar ma～貌似好勁咁。

                o拿！o拿！o拿！呢d米係吞pop o野law！今日要教你地呢個"夾心朱古力波"嘅難度係初級，但係如果你自認烹任功夫了得，話咁易就可以將呢個"夾心朱古力波"由初級組升呢去到中級組o勒！其實初級組同中級組嘅分別係左於你最外面o個層係coat d咩？如果你揀coat 溶朱古力，咁呢個"夾心朱古力波"就即刻由初級組變成中級組o勒～因為對好少整西餅嘅人嚟講，溶朱古力同浸朱古力絕對5係一件容易嘅事嚟。

材料：
黑朱古力／牛奶朱古力  200g
鮮忌廉  100g
即溶咖啡粉／美綠  10g


麥提沙
果仁夾心朱古力（eg. M &M）
果仁碎（eg. 杏仁）
無糖朱古力粉 （已篩過）
糖粉（已篩過）


For 中級組 only： 
黑朱古力／白朱古力



開始o勒～

   
1. 將果仁切碎，用白鑊炒至金黃，放涼備用。

    
2. 用小火將鮮忌廉煲至微滾，熄火。(切勿煲至大滾）

    

     
3. 加入即溶咖啡粉及黑朱古力
 

    
4.用匙慢慢攪至完全混合及所有朱古力溶化。
將朱古力醬倒入容器內，放入冰箱內冷藏一小時。

    
6. 用匙將已雪過的朱古力醬分成小份
（如包麥提沙or M&M每份大慨1.5tsp）。

    
7. 將麥提沙用手"us"入朱古力醬內，
    再將每小份朱古力醬包住麥提沙(或果仁朱古力)，
    搓成球狀，如太痴手可用糖粉當手粉。
    將已包有麥提沙夾心的朱古力球放點冰箱，冷藏一小時。


以下開始分組別o勒～
初級組組員：

    
變化一. 將冷藏過的夾心朱古力球滾上薄薄一層無糖朱古力粉即成。

    
變化二. 將冷藏過的夾心朱古力球滾上果仁碎，再用手輕輕將果仁碎壓入朱古力球內，滾圓即成。

     
變化三. 將冷藏過的夾心朱古力球滾上糖粉即成。


中級組組員：

     
變化一. 將冷藏過的夾心朱古力球滾上薄薄一層糖粉，再浸入溶朱古力內，等第一層朱古力凝固支再上第二層溶朱古力。最後自行加裝飾。

溫馨提示：

＊ 用足個份量做出嚟嘅"夾心朱古力波"，咖啡味會比較重，打算做比小朋友食嘅Blog 友，我提議用Milo粉代替即溶咖啡。
＊我習慣用黑朱古力嚟煮o野食，因為我覺得黑朱古力嘅朱古力味比牛奶朱古力濃。
＊ 將夾心的朱古力球滾上糖粉再浸入溶朱古力內嘅原因，係因為上過糖粉嘅朱古力波再浸溶朱古力，溶朱古力會上得靚d。
＊ 中級組嘅同學，Coat兩層溶朱古力嘅原因係如果只上一層朱古力面可能會烈開，如果上兩層就5會有呢個情形發生，兼夾完成品亦會較靚。
＊糖粉及無糖朱古力粉一定要用篩洒過才可以滾上朱古力球，否則會成粿粒，影響最後美感。
＊ 不要包太厚的軟朱古力層，會影響口感。
＊ 做好嘅夾心朱古力波，如果天氣5係太熱嘅話係無需放入冰箱內，因為呢個夾心朱古力波食落嘅口感係，最裡面o個粒朱古力脆，而外面包住佢o個層呢就係軟朱古力嚟嘅。最好係o係室溫下食用。
＊ 冰箱係指平時用嚟放牛油o個格，5係放雪糕o個格。