小王子天地

重記5記得琴日o個個"植物細胞模型"？呢～我睇死個個都係家長幚

佢地做，攞到返去大家鬥下邊個媽媽最錫

自己ga呢～
琴日朝因為小王子要帶個大提琴

返學，所以個模班我晏就至攞去比佢交。話說我攞住個模型去比小王子，途中經過無數個一樣攞住個模型去交嘅小朋友，我一望～

大鑊！
"嘩同學！你呢個流d喎～"
行多兩步...
"嘩同學！甩到周地皮喎～"
再行多步....
"嘩同學！你重5快d執返d骨？"
轉個彎....
"嘩同學！呢個肯定係你自己做嘅～"
再行....
"嘩同學！你....."
"嘩同學！你....."
"嘩同學！....嘩同學！....嘩同學！....嘩同學！....嘩同學！...."
.......

一路行我個心一路虛

，名乎其實嘅"一步一驚心"

～心諗....
"唓！早知係咁我5洗整得咁靚la～死la～會5會比人睇得出呢個o野5係小王子做gar呢？"

"蝦～原來而家d家長

真係傻gar喎！平時d細路做Research呀～Project呀o個d功課，o個d明明應該自己做嘅功課，佢地又鬼咁落力幚個細路做喎～家下做個模型又咁鬼死

老實bor，真係比佢地玩死。"

點知小王子放學返嚟.....

我﹣﹣"點呀？有無比人發現個模型5係你做gar？"

小王子﹣﹣"無呀媽媽～"

我﹣﹣"係？老師都無問?"

小王子﹣﹣"係呀～"

我﹣﹣"吓？個模型咁靚，竟然無人懷擬5係你做嘅？"

小王子﹣﹣"係呀～佢地個個都覺得係我自己做gar！"

我﹣﹣"嘩！5怪得知你叻過你d同學咁多la～"

小王子﹣﹣"點解呀媽媽？"

我﹣﹣"佢地蠢成咁～連咁都睇5出個模型5係你做嘅！"

小王子﹣﹣"媽媽呀～今日Super Junior好驚呀！"

我﹣﹣"點解呀？"

小王子﹣﹣"因為佢覺得自己個模型做得5好law！"

我﹣﹣"o我～咁好閒單啫～你同Super Junior講，叫佢下次比50蚊我，5包料我幚佢做一個！"

小王子﹣﹣"hahaha....."

不過琴日個模型加埋個Presentation

總共30分，所以就算我個模型做得幾咁無敵，到最後最多都係值15分gar啫，另外o個15分就要靠小王子做嘅Research

同Presentation

o勒。至於到最後小王子攞到幾多分呢？就要下堂至揭撓o勒～

好o勒～要講返正題o勒！
今日"嘩！Box教室"教你地做"士多啤梨酥皮撻"。好易整，難度係初級，只要留心查蛋汁o個時，5好比d蛋汁touch到個酵皮撻嘅邊就ok gar o勒。
溫馨提示：
1. 酥皮最好前一晚從冰格（放雪糕o個格）轉放入雪櫃（放牛油o個格）內解凍。
2. 用曲奇模時要小心垂直切入酥皮中，否則做好嘅酥皮撻會變成比
3. 查蛋汁時要小心，切勿將蛋汁流到酥皮邊
4. 因為最後要放幼砂糖o係酥皮撻面，所以焗盤一定要放焗爐紙，如果5係個焗盤會好難清洗。
5. 吾洗一定要用士多啤梨嘅～用其他生果都得，eg. blueberry.......
6. 做好形嘅酥皮撻o係未入焗爐前，最好放入雪櫃雪10分鐘，等d酥皮5好太軟身至好交入焗爐度焗。
7. 題外話：雖然呢個酥皮撻個面5洗查蛋汁，但係你地要記住做酥皮嘅時候，如果到最後個撻面係要查蛋汁嘅話，o係做入焗爐前放入雪櫃o個個動作嘅時候，所有撻都要係未查蛋汁嘅，蛋汁要o係雪完10分後，準備入焗爐前o個刻至好查，如果5係d蛋汁會因為被雪櫃抽乾水份而龜烈gar。

P.S.食評：小王子爸爸話薄酥皮嘅士多啤梨撻食落比厚酥皮嘅士多啤梨撻酥脆，所以Blog友們5洗自己"顏"皮咁麻煩o勒～直接用薄酥皮整就ok o勒。

就咁嘅

～若然你地覺得我平時教你地整d野值廿萬嘅話，咁今日我要教你地做嘅o野肯定值兩億

！

點解？
好簡單，因為想食而又因為5識整而無得食咩？係5會死嘅～
老師又玩o野，但係又無本事整o野比阿仔帶返學校充數咩？碎料la～
因為～只要係錢

解決到嘅問題，而咁o岩你又有大把嘅話.....咁則係無

問題la～
例如.....
你去5星級酒店食完個"抱飛"

，再打包兩打high tea過阿仔聽日攞返學度充數，咁重有咩可以難到你先

？
之但係.....
o係全銀河系裡面，最恐怖而又最嚇人嘅～

莫過於係o個d連有錢都解決5到嘅問題，至係令人聞風喪膽呀

～

係咩？
例如..........
你家小王子

話學校要佢做個模型交功課o個d呢～～～～
真係齋聽到個心都離一離gar！
無錯，想食而又無

得食有幾大件事啫～個仔無功課交至係大事呀大佬。

話說小王子

前個禮拜尾返嚟同我講話佢有份Homework，係要o係下個禮拜(即係今日)要交個"植物細胞模型"

～

我即時慘叫

....
"咩話？5係哇？點解呀？

點解5 o係學校度做呀？點解要o係屋企做呀？Homework? o係Home度做嘅Work米則係Housework

law？嘩！所有house嘅work

都係歸媽媽做gar喎？老師家下玩o野咩？"

小王子個Science老師科學怪雞

今次重用"拉curve"嚟比分，呢樣o野小王子佢地成班係從來都未試過嘅～科學怪雞話就算你做到好靚，

本來我想比個滿分過你，之但係如果有第個做得靚過你咩？咁係就即時變低分o勒～
小王子話d同學一聽見科學怪雞

咁講，即時另轉頭同小王子講﹣﹣＞

"喂！你5好做得咁靚呀下～"
小王子話佢心諗.....
"嗯～我會將你地嘅意見向我媽媽反影gar o勒～"(吹脹！)

o拿！

我一向嘅宗旨都係，落手落腳做下模型、剪剪貼貼畫下圖畫o個d功課至會幚小王子做gar啫～所有學術性嘅Research呀～報告呀～Presentation內容呀o個d功課，一律都係完全5

會幚小王子嘅。所以今次亦5例外，我淨係幚小王子做左個模型啫～而小王子爸爸

就付責做個放校型嘅架。而Prsentation o個part、模形嘅內容，全部都係小王子

決定嘅～
老實講～

咩o野係"植物細胞"我5

知，我淨係問小王子，係米做個swimming pool，跟住整個奶黃包，然後做埋d青豆再加埋d煙肉碎呀

？
小王子話-->
"hahahaha.... 係呀～媽媽！"
我見小王子爸爸做個架嘅時候身水身汗，我話﹣﹣＞

"肯定全部人嘅模型都係爸爸媽媽做gar law！有咩可能佢地自己識做至得gar？"
查實呢d咁嘅功課，跟本就係要考驗

d父母究竟有幾緊張自己個小朋友gar law！

o拿！blog友們，

我今日就會傳受你地呢個模型嘅做法比你地o勒～
喂喂喂！

米睇小呢個模型呀～佢5係用o個d咩紙黏土呀、陶泥呀嚟整，你知5知如果用呢d野嚟做咁大個模型要幾錢呀？o係澳洲用成舊水都5得呀

～
呢個模型係用你同我屋企都一定有嘅o野嚟整嘅～試諗下....你家個小王子5生性，夜mama至同你講聽日要交模型，我問你去邊度賣o野嚟做？
o拿～只要你打開個廚櫃就攞到d o野出嚟整喎

～係米正正正斗先？呢個模型5計顏色，我淨係用左AU$2 嚟做gar啫

。你話係米聰明先？AU$2 o係呢度，

買個波蘿包都5夠呀老友。

所以有小王子 or 小公主嘅Blog友，今日呢篇Blog你要打醒廿個精神嚟睇na，因為總有一day你一定會用得到

，然後大叫﹣﹣＞

"小王子媽媽！我要過兩億比你～"
至於未

有小王子 or 小公主嘅Blog友米懶得戚，因你除非你5生細路，or 你個小朋友5洗返學讀書，如果5係～你遲早都係同我地同一條船度

ga啫！抄低佢呀～5係到時你實後悔

gar law！

呢個模型我用左d咩呢？就係﹣﹣＞
面粉、鹽、油同水！

做法好閒單~
材料：
面粉    225g(2cup)
幼鹽    100g(1/2cup)
油    2 tsp
水    100ml(1/2cup)

做法：
將面粉、幼鹽、油同水撈埋，用手搓均，再搓十分鐘。
搓完重見到d鹽係ok嘅～

o拿～搓到點呢？搓到你攞一小舊粉團出嚟，而你又好容易咁將舊粉團"初"到一條香腸咁就ok o勒。
搓好嘅粉團就可以整形，用水就可以將兩舊粉團痴埋～

做完之後就放上有焗爐紙嘅焗盤上面，放入5超過145C 嘅焗爐度，一路焗到佢全部乾哂。(要焗幾個鐘gar，5好諗你係用個焗爐嚟"煮"熟佢，查實你係用個焗爐嚟整乾佢）所以個焗爐5可以太熱。
乾透嘅模型就可以用廣告彩上色，最後油上光油(嚦架)就ok gar o勒！

呢個其實係手工嘅其中一種，所以就算你5係用嚟做模型，閒時放假都可以搓舊粉團嚟同小朋友

玩。如果你5想上色，可以o係放入焗爐前查蛋汁上你做好嘅粉團做形上面，再放入焗爐度爐乾，咁出嚟嘅成器上面就會"令立立"