上個禮拜講到小王子發燒無返學，但係o個日小王子又要代表"聚寶盤"去校際國際象棋比賽。咁最後點呢？小王子爸爸又肯5肯放人比小王子去比賽呢？
o個日小王子發燒發左成日，我同小王子講.....
我﹣﹣"點呀？你發燒點去得比賽呀？就算去到都實輸la～"
小王子﹣﹣"媽媽5會gar，雖然我發緊燒，但係我而家好精神喎～我而家可以同時間win 恐怖份子、藍精靈同XXX gar！5係分開捉喎～我係話同時間同佢地三個一齊捉我都win到佢地呀！"
聽見小王子咁講我即時另"咩"面然後咀秒秒咁心諗﹣﹣﹣﹣＞
"唓～懶醒！真係頂你5順呀。"
終於小王子發住38度幾燒，成個火球咁滾左去比賽o勒～老實講如果5係"聚寶盤"闊佬打的去比賽，我真係5會比小王子去呀！
呢d校際嘅國際象棋比賽每個禮拜比一次，每次對另一間學校，今次小王子對o個間學校係"穿la la" ，小王子竟然見返一個o係"最高貴學府"嘅舊同學"細細粒"。原來細細粒都嚟左Sydney度讀書，入左呢間"穿la la" 度而且重有份代表"穿la la"嚟同"聚寶盤"比賽tim。小王子遇故知就更係興奮到不得了la～
接小王子o個陣我問小王子點？驘定輸呢？小王子話.......
小王子﹣﹣"win呀媽媽！"
我﹣﹣"係呀？"
小王子﹣﹣"係呀！我重見返阿細細粒tim bor～原來細細粒都嚟左Sydney度讀書呀！
我﹣﹣"係呀？咁佢係米對你？"小王子﹣﹣"5係呀！細細粒係board 4，我board 1 ar ma～"
（呢d比賽一Team 4個人，最叻o個個捉Board 1，最泎就board 4，咁board 1就對返board 1，如此類推。）
我﹣﹣"o我～"小王子﹣﹣"不過細細粒捉得進步左呀！"我﹣﹣"你點知gar？"小王子﹣﹣"因為細細粒一早就捉完，但係佢地學校o個個board 1呢就步步都諗得鬼咁耐喎，悶到我呢～咁我等緊佢地o個board 1諗緊點行o個時，阿細細粒就攞盤棋嚟叫我同佢o個捉law！"
我﹣﹣"吓？你比緊賽o個陣o係第邊同第個捉？"小王子﹣﹣"係呀媽媽！不過我兩個都win左呀～"
我即時諗返起小王子晏就話雖然發緊燒都可以同時捉驘阿邊個邊個同阿邊個邊個o個段說話，雖然係比佢吹脹，但係查實又真係吹佢5脹喎！！！！
正題正題～
以前我見過呢類款式嘅曲奇餅，心諗其實5係下下都要做餐死至整到d靚o野嘅，話哂我地呢d C9個個都日理萬基gar ma，邊得閒下下都又搓又焗咁至得gar？於是我決定今日"嘩！Box教室"教你地用o係Super度買返嚟嘅Cheap餅嚟做d"手工餅干"！
用小小錢嚟攪大茶飯，呢個正正就係不勞而鑊嘅後表代版o勒！Wah hahaha.....
Icing有兩重，一係用真正嘅蛋白整，一係用蛋白粉嚟做。
Icing溫馨提示：
1. icing裡面嘅檸檬就係令到icing乾左之後變得好硬嘅關建，所以5好5落檸檬汁呀！
2. icing一接觸到空氣就會好易變硬，所以做好嘅icing要用濕布蓋好，再用保鮮紙cover住佢。
3. 如果發現icing有小小出水，就用匙大力攪動幾下或用打蛋器再攪就ok。
4. 如果發現icing有太杰身，可以放幾滴水落去再攪幾下。（記得係遂滴水嚟咁加呀～因為小小水就會令到icing好希gar na）
5. 若然發現d icing太希嘅話，就放多小小糖粉再攪均就OK o勒～
6. 用嚟痴薑餅屋嘅icing我提議可以杰身小小，咁樣個薑餅屋會易痴d。
7. 如果覺得d icing用嚟做裝飾時，gi完太快乾痴5到彩糖，就可以加幾滴水落icing度，等佢希身小小o勒～
蛋白icing 材料：
新鮮蛋白 1隻
糖粉 225g
檸檬汁 1茶匙
做法～
糖粉用篩過清除大粒，將所有材料一齊用打蛋器打5分鐘至杰身就ok。
蛋白粉icing材料：
Meringue Powder 1湯匙
糖粉 500g
水 75ml
檸檬汁
做法～
糖粉用篩過清除大粒，將Mergine Powder用水攪均，再將所有材料用打蛋器打5分鐘至杰身。
喂～喂～喂～今年有無過到個肥年呀？
I mean 肥肉o個個肥，5係荷包o個種肥呀？肥左幾kg呀？今年過年我同小王子爸爸貼小王子一齊返左Melb.同小王子爺爺嫲嫲過年，我地好少返去過新年gar，因為次次新年小王子都要返學，所以每一年嘅新年都好似平日一樣嘅日子咁，一d都5熱鬧又一dd都5高慶gar～
不過今年新年係weekend，所以小王子爸爸同我地返Melb. 慶祝，我過左一個好熱鬧嘅新年呀～hahaha.....
咿？琴日情人節喎，有咩攪先？要表白“S”嘅表哂未呀？我怕你地5只得中個表白對像ar ma，所以米表白“S” law！小王子爸爸送左個隔住個Laptop放o係腳度嘅版比我（塊版仲有個風扇仔gar！），因為我時時用Laptop o個陣部機真係熱到辣腳gar。其實小王子爸爸好細心呀～因為我都無為意過自己原來需要呢樣o野，淨係識得一路用一路嗌熱。haha..... 雖然一塊咁嘅版5值幾多錢，不過小王子爸爸又一次知道我嘅需要na，好感動呀！
小王子今日無返學呀～因為小王子琴晚發燒。老實講我都5記得小王子有幾耐無病過同發過燒？係呀～小王子好少病gar，連傷風咳都好少。所以話呢～重掙乜鬼奶粉至得gar？我小王子飲人奶飲到兩歲，真係兩歲前都無病過呀，食人奶好過食奶粉la～咁當然如果媽媽要返工就無計la。
不過小王子原本今日放學要代表"聚寶盤"同第間學校比賽國際象棋gar，小王子爸爸見小王子咁就更係話佢5去得la～不過我知道如果小王子失場"聚寶盤"分分鐘會輸。我最了解小王子gar o勒，我知道如果佢因為病左去5到比賽而令到"聚寶盤"輸左呢個會合，小王子一定會好 好 好5開心gar。所以我點都同小王子爸爸爭取比小王子去比賽，然後我又 靜靜雞 同小王子講叫佢 一定要瞓覺休息，因為如果繼續咁發燒嘅話爸爸就一定5會比佢去比賽gar na。
嘩～小王子一聽到會去5到，即時9秒9 就瞓左！hahahaha......
唉～其實做父母好難，有時明明知道咩至o岩，但係又5想個仔失望。好似前晚小王子叫我買包薯條比佢帶返學同小朋友食，我明明知道好熱氣，但係又買比小王子食.......之後第日小王子就5舒服......我形住係因為我買左o個包薯條比小王子食至會攪到佢而家咁。唉～
點呀？呢個結婚蛋糕係米好靚呢？想5想學點整呢？
咁記得7月買我本食譜na～裡面有教gar！
我認！我呢排真係無咩心機打Blog。
其實5應該話無心機，查實係我攪本食譜都經已用盡哂我d腦汁o勒～攪到我做完個"嘩！Box"想寫Blog，但係對住部腦諗嚟諗去都5知想寫乜？你地都知我一嬲好錫自己個腦gar ma，平日係"淋"樓都5會用佢嘅。家下無nana要出食譜，day day開爐不特止，每日我至少要影幾百張相，重要不停咁諗做咩。
嘩～呢幾個月我個腦用左我呢半世人嘅quota呀！
睇諒下我la～簽左約到時嘔5出o野出嚟真係分分鐘會死人gar wor。我同你地一樣希望呢兩個月快d過gar咋！你知5知我有幾多套泰劇未煲呀？
小王子有樣o野驚人，就係無慾無求o勒～
係gar～小王子話食咩我都買比佢食gar，小王子叫我買咩我多數都一定會買gar！
BUT
小王子根本都好少會叫我買o野嘅～玩具又無咩想要，Game一年可能會哪我買一次，小王子叫親都係叫我買書。反而書我未必會買，因為小王子睇書睇得好鬼快，而呢度d書又貴到係完全5合理嘅。所以我情願陪小王子去書局睇就算。
前幾年小王子爸爸買左本ebook比小王子，諗住5洗下下買書咁貴。點知小王子有鋪癮就係睇完ebook之後會叫我買返本書比佢睇，
唓～咁米則係一樣！
上個月暑假o個陣小王子過佢13歲嘅生日，我問小王子生日想去邊？佢竟然話.....
"媽媽！我想去書局呀！"
你地米睇系小王子去書局，因為次次去親佢都好似痴左萬能膠o係對腳度咁，無6﹣8個鐘小王子係點都5肯走嘅。次次我陪小王子去"打書釘"......呀5係～小王子呢種5係叫打書釘，應該係叫做打椿至o岩。總之次次陪小王子去打椿我都o係佢隔離真係"合"着左都5知幾多次呀！
跟住我又問小王子生日想食咩？媽媽帶佢去食。點知小王子話要去平時食開o個間Cheap o野度食生煎包，真係吹脹！本來重諗住帶小王子去d特別嘅地邊度食o野gar tim。最後我地同小王子爸爸三個人真係去左食生煎包。
好！正題～
點呀？上次教你地做o個個“情人節朱古力牌”有無整過呀？就快情人節na bor～要表白就趁今次na！hahaha......
為怕你地5只得一個對像表白，所以今日教埋你地整呢個“情人節朱古力杯”，睇怕佢想走都走5出你五指山na！wah hahahaha........
材料：
黑朱古力 100g
鮮奶油（忌廉） 50g
香油 數滴
做法：
1. 鮮奶油用小火或微波爐加熱至微滾，離火。
2. 把朱古力倒入熱忌廉度，用匙羹攪拌至完全溶化。
3. 把香油加入朱古力漿並攪拌均勻。
小王子雖然識講廣東話，但係因為無睇開電視嘅關係，所以識嘅詞彚5多。文奏奏o個d就更係5識la～不過就算係o個d地道嘅廣東話～例如. 好正、低b、有病、玩o野.......等等等o個d小王子都5識嘅，正所謂係好C文o個d又5董，好粗老o個d又5明，所以小王子一嬲都睇5明講廣東話嘅卡通gar！之不過普通應對呀～講普通o野小王子係完全無問題嘅。
你地都知la～我好鍾意睇電視gar ma，特別鍾意睇d偵探片，真係5睇都download哂o係度gar。小王子平時好忙所以好少睇電視，o岩o岩o個個暑假小王子有時間，小王子爸爸話想同個仔一齊睇電視喎～咁o岩我o岩o岩download左套廣東話嘅金田一，於是我試下比佢睇下o勒～
初初睇小王子就更係有5明la～but你地記5記得金田一呀？好少對白gar ma，咁我解下都ok嘅～點知睇完金田一之後小王子話好鍾意睇偵探片，問我重有無。於是我比d o岩細路仔睇嘅偵探片小王子睇，之但係...........
你地都知我日劇、韓劇、泰劇乜都o岩，就偏偏5 o岩廣東劇，所以我比小王子睇d日本偵探片係講日文嘅，小王子一路睇就一路要我即時傳譯過佢聽.......
嘩～真係捉蟲呀我今次！
要即時傳譯已經難o勒～重要傳譯d小王子聽得明嘅廣東話比佢聽，難度閒直係1000000000呀！
其實我講咁多o野都係想帶出我以下所講嘅呢件事啫～
重記5記得左頭左勢？呢～佢阿爸阿媽就係o個對怪獸夫妻呢～咩話？5記得？5記得嘅Blog友請移玉步去呢度o急一o急下～
http://blog.yahoo.com/babyprince-world/articles/1083700
一睇就知阿左爸係o個d鞋都未除就開住個TVBJ睇嘅200﹪香港人la～英文爛到咁重竟然夠膽話.....
" 左頭左勢5識廣東話gar，Well～我諗你鬧佢佢會識聽少少嘅！"
左媽就重老土，成口口音但係又堅持要同你講英文，一見我同小王子爸爸講廣東話就走都走5切。睇5起中國人又要搵個200﹪中國人做老公，我懷擬佢可能有雙重人格都5定。
點解我今日又會無nana提返呢單o野呢？因為........
琴日小王子終於開學，放學o個陣小王子同我講........
小王子﹣﹣"媽媽！原來左頭左勢識講廣東話gar～"
我﹣﹣"吓？你點知gar？"
小王子﹣﹣"佢今日同我講law！"
我﹣﹣"唓～一早睇死佢識講廣東話la，係佢阿爸至夠膽話‘well～你鬧佢佢可能識聽少少嘅。’講呀？"
小王子﹣﹣"媽媽，左頭左勢重講得好正tim呀，佢識好多廣東話gar，有好多字我o岩o岩先識，但係佢就已經識講gar na！"
我﹣﹣"例如呢？"
小王子﹣﹣"好多gar，好似老土咁law！佢今日話‘咩佢咁老土gar～’ "
我﹣﹣"米係law！佢阿左爸直頭200﹪係中國人la～d英文爛成咁，鬧佢可能識聽少少？佢5係同我講佢平時用英文同左頭左勢溝通呀？如果係嘅話5怪得知左頭左勢英文去5到AA班o勒！"
小王子﹣﹣"hahaha......"
所以話呢～有時作大米咁誇，家下單o野爆左你話幾肉酸呢？
